Subscribe to our newsletter and get our newest updates

Naheed Virk

  • Ghazal


koi aisa kamal ho jae


koī aisā kamāl ho jaa.e
hijr saarā visāl ho jaa.e

ek ik lamha terī qurbat kā
zindagī kā jamāl ho jaa.e

āyatoñ kī tarah ḳhayāl tirā
utre aur mujh pe Dhaal ho jaa.e

bāñdh luuñ ḳhud ko dhyān se tere
aur bachāo muhāl ho jaa.e

aañkh bedāriyoñ meñ kho jaa.e
rat-jagoñ kī misāl ho jaa.e

terī ḳhushbū had-e-vajūd meñ ho
aur takmīl-e-hāl ho jaa.e

koi aisa kamal ho jae
hijr sara visal ho jae

ek ek lamha teri qurbat ka
zindagi ka jamal ho jae

aayaton ki tarah KHayal tera
utre aur mujh pe Dhaal ho jae

bandh lun KHud ko dhyan se tere
aur bachao muhaal ho jae

aankh bedariyon mein kho jae
rat-jagon ki misal ho jae

teri KHushbu had-e-wajud mein ho
aur takmil-e-haal ho jae


Leave a comment

+