Subscribe to our newsletter and get our newest updates

Iftikhar Qaisar

  • Ghazal


apne KHun ko KHarch kiya hai aur kamaya shahr


apne ḳhuuñ ko ḳharch kiyā hai aur kamāyā shahr
saare manzar TuuT ga.e aur kaam na aayā shahr

be-ghar honā be-ghar rahnā sab achchhā Thahrā
ghar ke andar ghar nahīñ paayā shahr meñ paayā shahr

saat samundar paar bhī āñkheñ mere saath na aa.iiñ
chāroñ jānib ḳhvāb haiñ mere aur parāyā shahr

kaale shahr ko raushan rakkhā shahr ke logoñ ne
dīvānoñ ne diye jalā.e aur bujhāyā shahr

shahr ke ūñche burj bhī mere qad se chhoTe the
chhoTe chhoTe logoñ ne kyā ḳhuub banāyā shahr

apne KHun ko KHarch kiya hai aur kamaya shahr
sare manzar TuT gae aur kaam na aaya shahr

be-ghar hona be-ghar rahna sab achchha Thahra
ghar ke andar ghar nahin paya shahr mein paya shahr

sat samundar par bhi aankhen mere sath na aain
chaaron jaanib KHwab hain mere aur paraya shahr

kale shahr ko raushan rakkha shahr ke logon ne
diwanon ne diye jalae aur bujhaya shahr

shahr ke unche burj bhi mere qad se chhoTe the
chhoTe chhoTe logon ne kya KHub banaya shahr


Source: Book : Urdu Gazal ka Magribi Daricha (Pg. 203) Author : Dr. Jawaz Jafri Publication : Kitab Saray, Lahore (2011) Edition : 2011

Leave a comment

+