Warning: session_start(): open(/tmp/sess_25in9ha010v5js1rhno2657la6, O_RDWR) failed: No space left on device (28) in /razi/eraazi/darbari/chunmun/index.php on line 15
mai-KHana hai bina-e-shar-o-KHair to nahin

Subscribe to our newsletter and get our newest updates

Ejaz Warsi

  • Ghazal


mai-KHana hai bina-e-shar-o-KHair to nahin


mai-ḳhāna hai binā-e-shar-o-ḳhair to nahīñ
ai shaiḳh-o-barahman haram-o-dair to nahīñ

qāsid ko tak rahā huuñ bajā.e javāb-e-ḳhat
kambaḳht ye na kah de kahīñ ḳhair to nahīñ

apnoñ kā shikva kis liye aa.e zabān par
ahbāb ke sitam sitam-e-ġhair to nahīñ

aapas meñ kyuuñ haiñ bar-sar-e-paikār ahl-e-shahr
dekho yahāñ kahīñ haram-o-dair to nahīñ

ai shaiḳh sirf shikva-e-pindār zohd hai
varna mujhe janāb se kuchh bair to nahīñ

mahv-e-ḳhirām ġhuncha-o-gul dekh-bhāl kar
pāmālī-e-bahār hai ye sair to nahīñ

banda-navāz aap aur izhār-e-shukriya
'ejāz' aap kā hai koī ġhair to nahīñ

mai-KHana hai bina-e-shar-o-KHair to nahin
ai shaiKH-o-barahman haram-o-dair to nahin

qasid ko tak raha hun bajae jawab-e-KHat
kambaKHt ye na kah de kahin KHair to nahin

apnon ka shikwa kis liye aae zaban par
ahbab ke sitam sitam-e-ghair to nahin

aapas mein kyun hain bar-sar-e-paikar ahl-e-shahr
dekho yahan kahin haram-o-dair to nahin

ai shaiKH sirf shikwa-e-pindar zohd hai
warna mujhe janab se kuchh bair to nahin

mahw-e-KHiram ghuncha-o-gul dekh-bhaal kar
pamali-e-bahaar hai ye sair to nahin

banda-nawaz aap aur izhaar-e-shukriya
'ejaz' aap ka hai koi ghair to nahin


Source: Haft Rang(Bijnor Ke Muqami Shora ka Intikhab-e-kalam)

Leave a comment

+