Subscribe to our newsletter and get our newest updates

Kaif Ahmed Siddiqui

  • Ghazal


KHushi ki aarzu kya dil mein Thahre


ḳhushī kī aarzū kyā dil meñ Thahre
tire ġham ne biThā rakkhe haiñ pahre

kahāñ chhoḌ aa.ī merī tīra-baḳhtī
vo rāteñ nuur kī vo din sunahre

mirī jānib na dekho muskurā kar
hue jaate haiñ dil ke zaḳhm gahre

nazar par tīrgī chhā.ī huī hai
magar āñkhoñ meñ haiñ sapne sunahre

jidhar bhī dekhtā huuñ 'kaif' udhar hī
ghire haiñ ġham ke bādal gahre gahre

KHushi ki aarzu kya dil mein Thahre
tere gham ne biTha rakkhe hain pahre

kahan chhoD aai meri tira-baKHti
wo raaten nur ki wo din sunahre

meri jaanib na dekho muskura kar
hue jate hain dil ke zaKHm gahre

nazar par tirgi chhai hui hai
magar aankhon mein hain sapne sunahre

jidhar bhi dekhta hun 'kaif' udhar hi
ghire hain gham ke baadal gahre gahre


Source: Book : sheerazah (Pg. 105) Author : makhmoor saeedi,Parem Gopal Mittal Publication : P -K Publication 3072 Partap stareet gola Market -Daryaganj delhi-6 (1973) Edition : 1973

Leave a comment

+