Subscribe to our newsletter and get our newest updates

Ikram Mujeeb

  • Ghazal


maut si KHamoshi jab un labon pe tari ki


maut sī ḳhamoshī jab un laboñ pe taarī kī
tab kahīñ nibhā paa.ī rasm rāzdārī kī

ham abhī nidāmat kī qaid se nahīñ nikle
kāTte haiñ roz o shab fasl be-qarārī kī

bhuul hī nahīñ sakte ai ġham-e-jahāñ tū ne
jis tarah pazīrā.ī umr bhar hamārī kī

kam zarā na hone dī ek lafz kī hurmat
ek ahd kī saarī umr pāsdārī kī

sab anā-parastī kī masnadoñ pe haiñ faa.ez
sar kare kaḌī manzil kaun ḳhāksārī kī

pur-ḳhatar rifāqat vo jo mafād ke taabe
soch be-samar apnī zaat ke pujārī kī

ek dard kī lazzat barqarār rakhne ko
kuchh latīf jazboñ kī ḳhuuñ se ābyārī kī

maut si KHamoshi jab un labon pe tari ki
tab kahin nibha pai rasm raazdari ki

hum abhi nidamat ki qaid se nahin nikle
kaTte hain roz o shab fasl be-qarari ki

bhul hi nahin sakte ai gham-e-jahan tu ne
jis tarah pazirai umr bhar hamari ki

kam zara na hone di ek lafz ki hurmat
ek ahd ki sari umr pasdari ki

sab ana-parasti ki masnadon pe hain faez
sar kare kaDi manzil kaun KHaksari ki

pur-KHatar rifaqat wo jo mafad ke tabe
soch be-samar apni zat ke pujari ki

ek dard ki lazzat barqarar rakhne ko
kuchh latif jazbon ki KHun se aabyari ki


Leave a comment

+