Subscribe to our newsletter and get our newest updates

Habeeb Kaifi

  • Ghazal


gar kabhi fursat mile to


gar kabhī fursat mile to
dekh lenā gul khile to

kuchh samajh paayā na lekin
shukr hai vo lab hile to

dil kī baat na dil meñ rakhnā
kah denā gar dil mile to

kahlā.eñge aap masīhā
merā koī zaḳhm sile to

muntazir haiñ aap kisī ke
chal diye hī qāfile to

sadiyoñ tak chalte rahte haiñ
chalne vaale silsile to

vo na hogā jo huā hai
gar kabhī ham phir mile to

gar kabhi fursat mile to
dekh lena gul khile to

kuchh samajh paya na lekin
shukr hai wo lab hile to

dil ki baat na dil mein rakhna
kah dena gar dil mile to

kahlaenge aap masiha
mera koi zaKHm sile to

muntazir hain aap kisi ke
chal diye hi qafile to

sadiyon tak chalte rahte hain
chalne wale silsile to

wo na hoga jo hua hai
gar kabhi hum phir mile to


Leave a comment

+