badan kī oT se takne lagā hai
vo apnā zā.iqa chakhne lagā hai

muñDeroñ par parinde chahchahā.e
pas-e-dīvār phal pakne lagā hai

bahut lambī masāfat hai badan kī
musāfir mubtadī thakne lagā hai

use andhā safar kyā raas aayā
qadam be-sāḳhta rakhne lagā hai

badan ki oT se takne laga hai
wo apna zaiqa chakhne laga hai

munDeron par parinde chahchahae
pas-e-diwar phal pakne laga hai

bahut lambi masafat hai badan ki
musafir mubtadi thakne laga hai

use andha safar kya ras aaya
qadam be-saKHta rakhne laga hai