Subscribe to our newsletter and get our newest updates

Kaami Shah

  • Ghazal


agar kar-e-mohabbat mein mohabbat ras aa jati


agar kār-e-mohabbat meñ mohabbat raas aa jaatī
tumhārā hijr achchhā thā jo vaslat raas aa jaatī

galā phāḌā nahīñ karte rafū daryāft karne meñ
agar bekār rahne kī mashaqqat raas aa jaatī

tumheñ sayyād kahne se agar ham baaz aa jaate
hameñ bhī is tamāshe meñ sukūnat raas aa jaatī

faqat ġhussa piye jaate haiñ roz o shab ke jhagḌe meñ
koī hañgāma kar sakte jo vahshat raas aa jaatī

agar ham paar kar sakte ye apnī zaat kā sahrā
to apne saath rahne kī sahūlat raas aa jaatī

agar kar-e-mohabbat mein mohabbat ras aa jati
tumhaara hijr achchha tha jo waslat ras aa jati

gala phaDa nahin karte rafu daryaft karne mein
agar bekar rahne ki mashaqqat ras aa jati

tumhein sayyaad kahne se agar hum baz aa jate
hamein bhi is tamashe mein sukunat ras aa jati

faqat ghussa piye jate hain roz o shab ke jhagDe mein
koi hangama kar sakte jo wahshat ras aa jati

agar hum par kar sakte ye apni zat ka sahra
to apne sath rahne ki sahulat ras aa jati


Leave a comment

+