Warning: session_start(): open(/tmp/sess_2fomabmmipqa1ac3bp747di8r0, O_RDWR) failed: No space left on device (28) in /razi/eraazi/darbari/chunmun/index.php on line 15
ye ghalat hai ye sal Thik nahin

Subscribe to our newsletter and get our newest updates

Imran Shamshad

  • Ghazal


ye ghalat hai ye sal Thik nahin


ye ġhalat hai ye saal Thiik nahīñ
har ghaḌī kā malāl Thiik nahīñ

zindagī ik ḳhayāl-ḳhāna hai
aap kā ye ḳhayāl Thiik nahīñ

phuul ko dhuul kī zarūrat hai
is qadar dekh-bhāl Thiik nahīñ

girne vaale ne sar uThā ke kahā
in sitāroñ kī chaal Thiik nahīñ

ā.īna-sāz Thiik kahtā hai
shīshagar kī misāl Thiik nahīñ

saath chalte raho magar ḳhāmosh
is safar meñ savāl Thiik nahīñ

aap ke nāḳhunoñ se yaad aayā
mere zaḳhmoñ kā haal Thiik nahīñ

itnī chhoTī sī baat par 'imrran'
itnā gahrā malāl Thiik nahīñ

ye ghalat hai ye sal Thik nahin
har ghaDi ka malal Thik nahin

zindagi ek KHayal-KHana hai
aap ka ye KHayal Thik nahin

phul ko dhul ki zarurat hai
is qadar dekh-bhaal Thik nahin

girne wale ne sar uTha ke kaha
in sitaron ki chaal Thik nahin

aaina-saz Thik kahta hai
shishagar ki misal Thik nahin

sath chalte raho magar KHamosh
is safar mein sawal Thik nahin

aap ke naKHunon se yaad aaya
mere zaKHmon ka haal Thik nahin

itni chhoTi si baat par 'imrran'
itna gahra malal Thik nahin


Leave a comment

+