kyuuñ vo mahbūb rū-ba-rū na rahe
kyuuñ nigāhoñ meñ guftugū na rahe

ishq hai muntahā-e-mahviyyat
aarzū kī bhī aarzū na rahe

zindagī ye ki vo tujhe chāheñ
maut hai ye ki aabrū na rahe

bandagī hai supurdagī-e-tamām
un kī marzī meñ guftugū na rahe

tum jo baiThe ho chhup ke pardoñ meñ
chashm kyuuñ mahv-e-rañg-o-bū na rahe

dil kā har baar hai nayā aalam
kyuuñ ḳhayāloñ meñ guftugū na rahe

chashm-e-sāqī ho mehrbān agar
ḳhvāhish-e-bāda-o-subū na rahe

aañkh vo us ko pā nahīñ saktī
ḳhūn-e-dil se jo bā-vazū na rahe

dost se maan 'tāj' vo hastī
jis maiñ kuchh farq mā-o-tū na rahe

kyun wo mahbub ru-ba-ru na rahe
kyun nigahon mein guftugu na rahe

ishq hai muntaha-e-mahwiyyat
aarzu ki bhi aarzu na rahe

zindagi ye ki wo tujhe chahen
maut hai ye ki aabru na rahe

bandagi hai supurdagi-e-tamam
un ki marzi mein guftugu na rahe

tum jo baiThe ho chhup ke pardon mein
chashm kyun mahw-e-rang-o-bu na rahe

dil ka har bar hai naya aalam
kyun KHayalon mein guftugu na rahe

chashm-e-saqi ho mehrban agar
KHwahish-e-baada-o-subu na rahe

aankh wo us ko pa nahin sakti
KHun-e-dil se jo ba-wazu na rahe

dost se man 'taj' wo hasti
jis main kuchh farq ma-o-tu na rahe