ajiib raat thī vo raat meñ nahīñ aayā
ki mere ḳhvāb-e-tilismāt meñ nahīñ aayā

vo is liye hī to aayā thā phuul khil jaa.eñ
phir is ke ba.ad vo bāġhāt meñ nahīñ aayā

maiñ chāhtā thā use chhū ke dekh luuñ lekin
vo āsmān mire haat meñ nahīñ aayā

vagarna tum se ta.alluq maiñ ḳhatm kar detā
pe intishār bayānāt meñ nahīñ aayā

gunah muaaf maiñ us ko ḳhudā banā baiThā
ḳhudā ḳhayāl-e-mulāqāt meñ nahīñ aayā

khule kivāḌ mire ghar ke bain karte rahe
koī bhī haath mire haat meñ nahīñ aayā

furāt tū ne bahattar kī tishnagī dekhī
tū phir bhī ḳhema-e-sādāt meñ nahīñ aayā

ajib raat thi wo raat mein nahin aaya
ki mere KHwab-e-tilismat mein nahin aaya

wo is liye hi to aaya tha phul khil jaen
phir is ke baad wo baghat mein nahin aaya

main chahta tha use chhu ke dekh lun lekin
wo aasman mere hat mein nahin aaya

wagarna tum se talluq main KHatm kar deta
pe intishaar bayanat mein nahin aaya

gunah muaf main us ko KHuda bana baiTha
KHuda KHayal-e-mulaqat mein nahin aaya

khule kiwaD mere ghar ke bain karte rahe
koi bhi hath mere hat mein nahin aaya

furaat tu ne bahattar ki tishnagi dekhi
tu phir bhi KHema-e-sadat mein nahin aaya