avval ġhazal ibādat kī
us ke ba.ad sharārat kī

mujh ko yaad rahā tū bhūlā
baat hai ye to aadat kī

us se mil kar aur baḌhī hai
pyaas bujhī na chāhat kī

din-bhar dukh ke patthar kaaTe
raat milī na rāhat kī

mujh ko bhūlne vaale tū ne
mujh pe baḌī ināyat kī

awwal ghazal ibaadat ki
us ke baad shararat ki

mujh ko yaad raha tu bhula
baat hai ye to aadat ki

us se mil kar aur baDhi hai
pyas bujhi na chahat ki

din-bhar dukh ke patthar kaTe
raat mili na rahat ki

mujh ko bhulne wale tu ne
mujh pe baDi inayat ki

Source: Khushboo Rang Sada ke Sang