aaj sarsabz koh o sahrā hai
har taraf sair hai tamāshā hai
chehra-e-yār o qāmat-e-zebā
gul-e-rañgīn o sarv-e-ra.anā hai
ma.ani-e-husn o ma.ani-e-ḳhūbī
sūrat-e-yār suuñ huvaidā hai
dam-e-jāñ-baḳhsh nau-ḳhatāñ muj kuuñ
chashma-e-ḳhizr hai masīhā hai
kamar-e-nāzuk o dahān-e-sanam
fikr bārīk hai muammā hai
mū-ba-mū us kuuñ hai pareshānī
zulf-e-mushkīñ kā jis kuuñ saudā hai
kyā haqīqat hai tujh tavāzo kī
yū talattuf hai yā mudāvā hai
sabab-e-dilrubā.i-e-āshiq
mehr hai lutf hai dilāsā hai
juuñ 'valī' raat din hai mahv-e-ḳhayāl
jis kuuñ tujh vasl kī tamannā hai
aaj sarsabz koh o sahra hai
har taraf sair hai tamasha hai
chehra-e-yar o qamat-e-zeba
gul-e-rangin o sarw-e-rana hai
mani-e-husn o mani-e-KHubi
surat-e-yar sun huwaida hai
dam-e-jaan-baKHsh nau-KHatan muj kun
chashma-e-KHizr hai masiha hai
kamar-e-nazuk o dahan-e-sanam
fikr barik hai muamma hai
mu-ba-mu us kun hai pareshani
zulf-e-mushkin ka jis kun sauda hai
kya haqiqat hai tujh tawazo ki
yu talattuf hai ya mudawa hai
sabab-e-dilrubai-e-ashiq
mehr hai lutf hai dilasa hai
jun 'wali' raat din hai mahw-e-KHayal
jis kun tujh wasl ki tamanna hai
Leave a comment