us kī pahle se thī nazar shāyad
jis kī mujh ko ḳhabar na thī shāyad

gūñgā āñgan hai bahrī dīvāreñ
ye ḳharāba hai apnā ghar shāyad

chal ke kuchh duur ruk ga.e haiñ vo
na milā mujh sā ham-safar shāyad

hijr kī raat itnī lambī hai
jaise hogī na ab sahar shāyad

rañg terā uḌā uḌā sā hai
lag ga.ī hai tujhe nazar shāyad

us ki pahle se thi nazar shayad
jis ki mujh ko KHabar na thi shayad

gunga aangan hai bahri diwaren
ye KHaraba hai apna ghar shayad

chal ke kuchh dur ruk gae hain wo
na mila mujh sa ham-safar shayad

hijr ki raat itni lambi hai
jaise hogi na ab sahar shayad

rang tera uDa uDa sa hai
lag gai hai tujhe nazar shayad

Source: Khushboo Rang Sada ke Sang