Subscribe to our newsletter and get our newest updates

Prakhar Malviya Kanha

  • Ghazal


tirgi se raushni ka ho gaya


tīrgī se raushnī kā ho gayā
maiñ mukammal shā.erī kā ho gayā

der tak bhaTkā maiñ us ke shahr meñ
aur phir us kī galī kā ho gayā

so gayā āñkhoñ tale rakh ke unheñ
aur ḳhat kā rañg phīkā ho gayā

ek bosa hī diyā thā raat ne
chāñd tū to raat hī kā ho gayā

raat bhar laḌtā rahā lahroñ ke saath
sub.h tak 'kānhā' nadī kā ho gayā

tirgi se raushni ka ho gaya
main mukammal shaeri ka ho gaya

der tak bhaTka main us ke shahr mein
aur phir us ki gali ka ho gaya

so gaya aankhon tale rakh ke unhen
aur KHat ka rang phika ho gaya

ek bosa hi diya tha raat ne
chand tu to raat hi ka ho gaya

raat bhar laDta raha lahron ke sath
subh tak 'kanha' nadi ka ho gaya


Leave a comment

+