mujhe ai zindagī āvāz mat de
nahīñ manzil koī parvāz mat de

jiye jaatā huuñ aadat ban chukī hai
nahīñ sur lagte yārab saaz mat de

nayā hai ruup aalam kā ḳhudāyā
anokhā ab mujhe andāz mat de

natīja jāntā huuñ dil-lagī kā
sazā.eñ fāḳhta ko baaz mat de

pas-e-parda rahā hai bhed ab tak
nahīñ hāmil unheñ tū raaz mat de

rahā anjām hai jinkī nazar meñ
unheñ jo chāhe de āġhāz mat de

nibhāyā farz hī kab hukmarāñ kā
kisī qātil ko tū e.azāz mat de

mujhe ai zindagi aawaz mat de
nahin manzil koi parwaz mat de

jiye jata hun aadat ban chuki hai
nahin sur lagte yarab saz mat de

naya hai rup aalam ka KHudaya
anokha ab mujhe andaz mat de

natija jaanta hun dil-lagi ka
sazaen faKHta ko baz mat de

pas-e-parda raha hai bhed ab tak
nahin hamil unhen tu raaz mat de

raha anjam hai jinki nazar mein
unhen jo chahe de aaghaz mat de

nibhaya farz hi kab hukmaran ka
kisi qatil ko tu eazaz mat de

RECITATIONS Ozair Rahman



00:00/00:00 mujhe ai zindagi aawaz mat de Ozair Rahman