murdoñ kī zindagī ke liye kyā duā kareñ
is past āgahī ke liye kyā duā kareñ

az-ḳhud hameñ nahīñ hai mayassar nazar sadā
aise meñ ham kisī ke liye kyā duā kareñ

be-rabt bad-havās kamar se alag thalag
ham aisī chāñdnī ke liye kyā duā kareñ

milne the jo bhī dard masarrat so mil ga.e
ab vaqt-e-āḳhirī ke liye kyā duā kareñ

goyā zamīn kā na falak kā huā 'azīz'
bolo ki is ḳhudī ke liye kyā duā kareñ

murdon ki zindagi ke liye kya dua karen
is past aagahi ke liye kya dua karen

az-KHud hamein nahin hai mayassar nazar sada
aise mein hum kisi ke liye kya dua karen

be-rabt bad-hawas kamar se alag thalag
hum aisi chandni ke liye kya dua karen

milne the jo bhi dard masarrat so mil gae
ab waqt-e-aKHiri ke liye kya dua karen

goya zamin ka na falak ka hua 'aziz'
bolo ki is KHudi ke liye kya dua karen