Subscribe to our newsletter and get our newest updates

Om Krishn Rahat

  • Ghazal


main dua mangun to dil mujhse KHafa ho jaega


maiñ duā māñgūñ to dil mujh se ḳhafā ho jā.egā
sar jhukā to sar ko sajdoñ kā nasha ho jā.egā

ḳhvāhishoñ ke Dūbte sūraj ne batlāyā na thā
merā saaya mere qad se bhī baḌā ho jā.egā

yā to mujh se chhīn lo ye but-tarāshī kā hunar
varna maiñ jo but tarāshūñ to ḳhudā ho jā.egā

guftugū meñ zabt lāzim hai zarā sī chuuk par
lab pe aa ke harf harf-e-mudda.ā ho jā.egā

ye mujhe mālūm kab thā ḳhvāhishoñ kī bhiiḌ meñ
merā ik ik saañs jiine kī sazā ho jā.egā

mere dard-o-karb kī parchhā.iyāñ chehre pe haiñ
maiñ ye aañsū rok bhī lūñgā to kyā ho jā.egā

baat to jurm-o-sazā kī hai magar mahshar ke din
kuchh na kuchh us se hamārā faisla ho jā.egā

main dua mangun to dil mujh se KHafa ho jaega
sar jhuka to sar ko sajdon ka nasha ho jaega

KHwahishon ke Dubte suraj ne batlaya na tha
mera saya mere qad se bhi baDa ho jaega

ya to mujh se chhin lo ye but-tarashi ka hunar
warna main jo but tarashun to KHuda ho jaega

guftugu mein zabt lazim hai zara si chuk par
lab pe aa ke harf harf-e-muddaa ho jaega

ye mujhe malum kab tha KHwahishon ki bhiD mein
mera ek ek sans jine ki saza ho jaega

mere dard-o-karb ki parchhaiyan chehre pe hain
main ye aansu rok bhi lunga to kya ho jaega

baat to jurm-o-saza ki hai magar mahshar ke din
kuchh na kuchh us se hamara faisla ho jaega


Source: Rooh-e-Ghazal,Pachas Sala Intekhab

Leave a comment

+