nikharnā aql-o-ḳhirad kā agar zarūrī hai
junūñ kī rāhbarī meñ safar zarūrī hai

haqīqatoñ se jo hotā hai āshnā ai dost
to is ke vāste rāh-e-ḳhatar zarūrī hai

kisī kī nīchī nazar kā salām saath rahe
safar ke vāste zād-e-safar zarūrī hai

magar ye shart hai har lafz ruuh se nikle
duā-e-nīm-shabī meñ asar zarūrī hai

diloñ kā haal na chehroñ se ho sake zāhir
ḳhirad ke daur meñ ye bhī hunar zarūrī hai

'obaid' dūsroñ ko kar chuke bahut talqīn
ab apne aap pe bhī ik nazar zarūrī hai

nikharna aql-o-KHirad ka agar zaruri hai
junun ki rahbari mein safar zaruri hai

haqiqaton se jo hota hai aashna ai dost
to is ke waste rah-e-KHatar zaruri hai

kisi ki nichi nazar ka salam sath rahe
safar ke waste zad-e-safar zaruri hai

magar ye shart hai har lafz ruh se nikle
dua-e-nim-shabi mein asar zaruri hai

dilon ka haal na chehron se ho sake zahir
KHirad ke daur mein ye bhi hunar zaruri hai

'obaid' dusron ko kar chuke bahut talqin
ab apne aap pe bhi ek nazar zaruri hai

Source: Book : Aawaz Ke Saye (Poetry) (Pg. 55) Author : Obaidur Rahman Publication : Sehla Obaid (2001) Edition : 2001