fariyād ki vo shoḳh sitamgār na aayā
mujh qatl kuuñ le haath meñ talvār na aayā

maiñ pamba-naman narm kiyā bistar-e-tan kuuñ
vo piū qadam dharne ko yakbār na aayā

chhuT aah pichhe kaun mire dard kā ahvāl
mujh dukh kī ḳhabar lene vo ġham-ḳhvār na aayā

jaane hai vafādār mujhe dil mane lekin
dahshat se raqībāñ kī vo nā-chār na aayā

ārām gayā bhuuk nahīñ niiñd ga.ī bhuul
afsos ki vo tāla-e-bedār na aayā

bulbul kī naman aas hai nit baas kī mujh kuuñ
sad-haif mire paas vo gulzār na aayā

bāzār-e-suḳhan garm kiyā us kī sifat suuñ
mujh sher kā haihāt ḳharīdār na aayā

likh baar sahā baaġh meñ maalī kā tahūrā
par sair katīñ vo gul-e-be-e-ḳhār na aayā

ai 'mubtalā' ye baat likhā dil ke upar maiñ
ik roz mujh āġhosh meñ vo yaar na aayā

fariyaad ki wo shoKH sitamgar na aaya
mujh qatl kun le hath mein talwar na aaya

main pamba-naman narm kiya bistar-e-tan kun
wo piu qadam dharne ko yakbar na aaya

chhuT aah pichhe kaun mere dard ka ahwal
mujh dukh ki KHabar lene wo gham-KHwar na aaya

jaane hai wafadar mujhe dil mane lekin
dahshat se raqiban ki wo na-chaar na aaya

aaram gaya bhuk nahin nind gai bhul
afsos ki wo tala-e-bedar na aaya

bulbul ki naman aas hai nit bas ki mujh kun
sad-haif mere pas wo gulzar na aaya

bazar-e-suKHan garm kiya us ki sifat sun
mujh sher ka haihat KHaridar na aaya

likh bar saha bagh mein mali ka tahura
par sair katin wo gul-e-be-e-KHar na aaya

ai 'mubtala' ye baat likha dil ke upar main
ek roz mujh aaghosh mein wo yar na aaya

Source: Dewan-e-mubtalaáEk Eham Go Shayar-Muqallid Wali