māh-rū nikle hai nit ujlī tarah
is sabab raushan hai dil putlī tarah

sun mirā ronā huā Tuk mehrbāñ
yaar ne barsāt meñ badlī tarah

ġhamza kī shamshīr chamkātā hai vo
kyuuñ na ho dil muztarib bijlī tarah

machchhī detā na.iiñ mujhe vo bahr suuñ
chhoḌ dī us ne magar aglī tarah

kyuuñ mire aage akaḌ chaltā hai aaj
mujh ko bhūlī na.iiñ tirī pichhlī tarah

sar-nigūñ hai sarv-qad kī fikr meñ
bed ne majnūñ kī sab lailī tarah

ishq ne aa kar pachhāḌā dil katīñ
gurg niiñ aahū siiñ kī jañgalī tarah

mujh divāne kī nazar meñ ai parī
taash aur kamḳhāb hai kamlī tarah

gaalī de kar muskurātā hai vo shoḳh
'mubtalā' ab yuuñ na.ī niklī tarah

mah-ru nikle hai nit ujli tarah
is sabab raushan hai dil putli tarah

sun mera rona hua Tuk mehrban
yar ne barsat mein badli tarah

ghamza ki shamshir chamkata hai wo
kyun na ho dil muztarib bijli tarah

machchhi deta nain mujhe wo bahr sun
chhoD di us ne magar agli tarah

kyun mere aage akaD chalta hai aaj
mujh ko bhuli nain teri pichhli tarah

sar-nigun hai sarw-qad ki fikr mein
bed ne majnun ki sab laili tarah

ishq ne aa kar pachhaDa dil katin
gurg nin aahu sin ki jangali tarah

mujh diwane ki nazar mein ai pari
tash aur kamKHab hai kamli tarah

gali de kar muskuraata hai wo shoKH
'mubtala' ab yun nai nikli tarah

Source: Dewan-e-mubtalaáEk Eham Go Shayar-Muqallid Waliâ