vahshat usī se phir bhī vahī yaar dekhnā
pāgal ko jaise chāñd kā dīdār dekhnā

is hijratī ko kaam huā hai ki raat din
bas vo charāġh aur vo dīvār dekhnā

paañv meñ ghūmtī hai zamīñ āsmāñ talak
is tifl-e-shīr-ḳhvār kī raftār dekhnā

yā-rab koī sitāra-e-ummīd phir tulū
kyā ho ga.e zamīn ke āsār dekhnā

lagtā hai jaise koī valī hai zuhūr meñ
ab shaam ko kahīñ koī mai-ḳhvār dekhnā

is vahshatī kā haal ajab hai ki us taraf
jaanā bhī aur jānib-e-pindār dekhnā

dekhā thā ḳhvāb shā.er-e-momin ne is liye
ta.abīr meñ milā hameñ talvār dekhnā

jo dil ko hai ḳhabar kahīñ miltī nahīñ ḳhabar
har sub.h ik azaab hai aḳhbār dekhnā

maiñ ne sunā hai qurb-e-qayāmat kā hai nishāñ
be-qāmatī pe jubba-o-dastār dekhnā

sadiyāñ guzar rahī haiñ magar raushnī vahī
ye sar hai yā charāġh sar-e-dār dekhnā

is qāfile ne dekh liyā karbalā kā din
ab rah gayā hai shaam kā bāzār dekhnā

do chaar ke sivā yahāñ likhtā ġhazal hai kaun
ye kaun haiñ ye kis ke taraf-dār dekhnā

wahshat usi se phir bhi wahi yar dekhna
pagal ko jaise chand ka didar dekhna

is hijrati ko kaam hua hai ki raat din
bas wo charagh aur wo diwar dekhna

panw mein ghumti hai zamin aasman talak
is tifl-e-shir-KHwar ki raftar dekhna

ya-rab koi sitara-e-ummid phir tulu
kya ho gae zamin ke aasar dekhna

lagta hai jaise koi wali hai zuhur mein
ab sham ko kahin koi mai-KHwar dekhna

is wahshati ka haal ajab hai ki us taraf
jaana bhi aur jaanib-e-pindar dekhna

dekha tha KHwab shaer-e-momin ne is liye
tabir mein mila hamein talwar dekhna

jo dil ko hai KHabar kahin milti nahin KHabar
har subh ek azab hai aKHbar dekhna

main ne suna hai qurb-e-qayamat ka hai nishan
be-qamati pe jubba-o-dastar dekhna

sadiyan guzar rahi hain magar raushni wahi
ye sar hai ya charagh sar-e-dar dekhna

is qafile ne dekh liya karbala ka din
ab rah gaya hai sham ka bazar dekhna

do chaar ke siwa yahan likhta ghazal hai kaun
ye kaun hain ye kis ke taraf-dar dekhna

Source: Book : Veeran sarai ka diya (Pg. 113)