Subscribe to our newsletter and get our newest updates

Obaid Siddiqi

  • Ghazal


baiThe biThae aaj phir kis ka KHayal aa gaya


baiThe biThā.e aaj phir kis kā ḳhayāl aa gayā
chehre kā rañg uḌ gayā rañg-e-malāl aa gayā

uljhan meñ paḌ gayā huuñ maiñ dil kā karūñ to kyā karūñ
shīsha nahīñ ye kaam kā is meñ to baal aa gayā

puurā na kar sakūñgā ab tujh se kabhī mukālima
āñkheñ thiiñ mahv-e-guftugū dil kā savāl aa gayā

karnī hai tark jis jagah terī talāsh-o-ārzū
sahrā meñ ab maqām vo mere ġhazāl aa gayā

ruuī kī tarah shahr meñ uḌne lagī hai ye ḳhabar
us ko hī bas pata nahīñ us kā zavāl aa gayā

maiñ ne to apnā ā.īna rakkhā thā us ke rū-ba-rū
itnī sī ek baat thī us ko jalāl aa gayā

baiThe biThae aaj phir kis ka KHayal aa gaya
chehre ka rang uD gaya rang-e-malal aa gaya

uljhan mein paD gaya hun main dil ka karun to kya karun
shisha nahin ye kaam ka is mein to baal aa gaya

pura na kar sakunga ab tujh se kabhi mukalima
aankhen thin mahw-e-guftugu dil ka sawal aa gaya

karni hai tark jis jagah teri talash-o-arzu
sahra mein ab maqam wo mere ghazal aa gaya

rui ki tarah shahr mein uDne lagi hai ye KHabar
us ko hi bas pata nahin us ka zawal aa gaya

main ne to apna aaina rakkha tha us ke ru-ba-ru
itni si ek baat thi us ko jalal aa gaya

Videos
This video is playing from YouTube Videos
This video is playing from YouTube Obaid Siddiqi RECITATIONS Obaid Siddiqi



00:00/00:00 baiThe biThae aaj phir kis ka KHayal aa gaya Obaid Siddiqi

Source: Book : rang-e- hava main phal raha hai (Pg. 162)

Leave a comment

+