hameñ kuchh aur jiinā hai to dil ko shaad rakkheñge
bahut kuchh bhuul jā.eñge bahut kuchh yaad rakkheñge

abhī kuchh aur kartab dekhne bhī haiñ dikhāne bhī
tamāsha-gāh-e-ālam ham tujhe ābād rakkheñge

agar ghar kā ḳhayāl aayā to rasta bhuul jā.eñge
safar meñ dasht ko jaate hue ham yaad rakkheñge

muqābil ā.eñge har baar taaza hausla le kar
tujhe ham āzmā.ish meñ sitam-ījād rakkheñge

purānī ho ga.ī duniyā use mismār karnā hai
na.ī ta.amīr kī ḳhātir na.ī buniyād rakkheñge

hamein kuchh aur jina hai to dil ko shad rakkhenge
bahut kuchh bhul jaenge bahut kuchh yaad rakkhenge

abhi kuchh aur kartab dekhne bhi hain dikhane bhi
tamasha-gah-e-alam hum tujhe aabaad rakkhenge

agar ghar ka KHayal aaya to rasta bhul jaenge
safar mein dasht ko jate hue hum yaad rakkhenge

muqabil aaenge har bar taza hausla le kar
tujhe hum aazmaish mein sitam-ijad rakkhenge

purani ho gai duniya use mismar karna hai
nai tamir ki KHatir nai buniyaad rakkhenge

Videos
This video is playing from YouTube Videos
This video is playing from YouTube Obaid Siddiqi RECITATIONS Obaid Siddiqi



00:00/00:00 hamein kuchh aur jina hai to dil ko shad rakkhenge Obaid Siddiqi

Source: Book : rang-e- hava main phal raha hai (Pg. 75) Author : ubaid siddiqii Publication : maktaba jamia limited jamia millia islamia new delhi-110025 (2010) Edition : 2010