koī kuchh batā.egā kyā ho gayā
yahāñ kaise har but ḳhudā ho gayā

tazabzub kā aalam rahā der tak
bil-āḳhir maiñ us se judā ho gayā

use kyā mujhe bhī nahīñ thī ḳhabar
ki maiñ qaid se kab rihā ho gayā

zamīñ pyaas se itnī behāl thī
samundar ne dekhā ghaTā ho gayā

ye duniyā adhūrī sī lagne lagī
achānak mujhe jaane kyā ho gayā

sharāb ham ne yaksāñ hī pī thī magar
tujhe is qadar kyuuñ nasha ho gayā

koi kuchh bataega kya ho gaya
yahan kaise har but KHuda ho gaya

tazabzub ka aalam raha der tak
bil-aKHir main us se juda ho gaya

use kya mujhe bhi nahin thi KHabar
ki main qaid se kab riha ho gaya

zamin pyas se itni behaal thi
samundar ne dekha ghaTa ho gaya

ye duniya adhuri si lagne lagi
achanak mujhe jaane kya ho gaya

sharab hum ne yaksan hi pi thi magar
tujhe is qadar kyun nasha ho gaya

Videos
This video is playing from YouTube Videos
This video is playing from YouTube Obaid Siddiqi RECITATIONS Obaid Siddiqi



00:00/00:00 koi kuchh bataega kya ho gaya Obaid Siddiqi