hoñT khuleñ to nikle vaah
duniyā ek tamāshā-gāh
rashk-e-falak hai ye bastī
har chehra hai mahr o maah
ab ke haath vo khelā hai
daañv par haiñ izz-o-jāh
rañg bahut se aur bhī haiñ
har shai kab hai safed o siyāh
saath kisī ko chalnā hai
suujh ga.ī hai mujh ko raah
ab ke bahār kī yūrish hai
gul-būTe haiñ us kī sipāh
pāgal haiñ jo sahrā se
maañg rahe haiñ aab o giyāh
kaam hazāroñ karne haiñ
kyā kyā rakkheñ pesh-e-nigāh
us kī aamad aamad hai
dil āñkheñ haiñ chashm-ba-rāh
garmī sī ye garmī hai
maañg rahe haiñ log panāh
honT khulen to nikle wah
duniya ek tamasha-gah
rashk-e-falak hai ye basti
har chehra hai mahr o mah
ab ke hath wo khela hai
danw par hain izz-o-jah
rang bahut se aur bhi hain
har shai kab hai safed o siyah
sath kisi ko chalna hai
sujh gai hai mujh ko rah
ab ke bahaar ki yurish hai
gul-buTe hain us ki sipah
pagal hain jo sahra se
mang rahe hain aab o giyah
kaam hazaron karne hain
kya kya rakkhen pesh-e-nigah
us ki aamad aamad hai
dil aankhen hain chashm-ba-rah
garmi si ye garmi hai
mang rahe hain log panah
Source: Book : Rang hava main phel raha hai (Pg. 66)
Leave a comment