kyā sune koī zabānī merī
aur phir vo bhī kahānī merī

shahr sahrā kī tarah lagtā hai
rā.egāñ naql-e-makānī merī

ek chehra mire chehre se alag
ek tasvīr purānī merī

maiñ ki dariyā thā jo ab sākit huuñ
kho ga.ī mujh meñ ravānī merī

raat shabnam meñ bahut bhīgā thā
dekh ab sho.ala-fishānī merī

kya sune koi zabani meri
aur phir wo bhi kahani meri

shahr sahra ki tarah lagta hai
raegan naql-e-makani meri

ek chehra mere chehre se alag
ek taswir purani meri

main ki dariya tha jo ab sakit hun
kho gai mujh mein rawani meri

raat shabnam mein bahut bhiga tha
dekh ab shoala-fishani meri

Videos
This video is playing from YouTube Videos
This video is playing from YouTube Obaid Siddiqi RECITATIONS Obaid Siddiqi



00:00/00:00 kya sune koi zabani meri Obaid Siddiqi

Source: Book : rang-e- hava main phal raha hai (Pg. 98)