Subscribe to our newsletter and get our newest updates

Naqqash Abidi

  • Ghazal


aao jo TuTe hue KHwab hain taqsim karen


aao jo TuuTe hue ḳhvāb haiñ taqsīm kareñ
jis kī qismat meñ jo girdāb haiñ taqsīm kareñ

tum mire naam pe jī lenā maiñ tum par mar kar
jiine marne ke jo ādāb haiñ taqsīm kareñ

ḳhushk āñkhoñ meñ jo murjhā ga.e un kī kaliyāñ
aas ke phuul jo shādāb haiñ taqsīm kareñ

vo nigāheñ bhī jo namnāk thiiñ vaqt-e-ruḳhsat
muntazir aur jo be-āb haiñ taqsīm kareñ

dast-e-hālāt pe maktūb sajā kar saare
ahd-e-māzī ke hasīñ baab haiñ taqsīm kareñ

aao jo TuTe hue KHwab hain taqsim karen
jis ki qismat mein jo girdab hain taqsim karen

tum mere nam pe ji lena main tum par mar kar
jine marne ke jo aadab hain taqsim karen

KHushk aankhon mein jo murjha gae un ki kaliyan
aas ke phul jo shadab hain taqsim karen

wo nigahen bhi jo namnak thin waqt-e-ruKHsat
muntazir aur jo be-ab hain taqsim karen

dast-e-haalat pe maktub saja kar sare
ahd-e-mazi ke hasin bab hain taqsim karen


Leave a comment

+