Subscribe to our newsletter and get our newest updates

Naqqash Abidi

  • Ghazal


haq jo manga to mere hath mein kashkol diya


haq jo māñgā to mire haath meñ kashkol diyā
aaj us ne mire ehsās kā dar khol diyā

mere hoñToñ ko saḳhāvat ke qasīde de kar
har galī jā ke bajāne ko mujhe Dhol diyā

chun ke har ek vafā aur muravvat merī
mujh ko tahqīr kī mīzān meñ kyuuñ tol diyā

mere luqme pe nazar aise paḌī thī us kī
zahr sā ik mire ehsās meñ bas ghol diyā

us ghaḌī us ne mirī zaat se māñgī hai najāt
merī hastī kī har ik shaan ko jab rol diyā

ek lamhe meñ badal Daalī hai dil kī duniyā
jaane kyā us kī nigāhoñ ne mujhe bol diyā

jism meñ ruuh kī mānind samā kar us ne
ahd-e-hijrāñ kā mujhe tohfa-e-anmol diyā

haq jo manga to mere hath mein kashkol diya
aaj us ne mere ehsas ka dar khol diya

mere honTon ko saKHawat ke qaside de kar
har gali ja ke bajaane ko mujhe Dhol diya

chun ke har ek wafa aur murawwat meri
mujh ko tahqir ki mizan mein kyun tol diya

mere luqme pe nazar aise paDi thi us ki
zahr sa ek mere ehsas mein bas ghol diya

us ghaDi us ne meri zat se mangi hai najat
meri hasti ki har ek shan ko jab rol diya

ek lamhe mein badal Dali hai dil ki duniya
jaane kya us ki nigahon ne mujhe bol diya

jism mein ruh ki manind sama kar us ne
ahd-e-hijran ka mujhe tohfa-e-anmol diya


Leave a comment

+