Warning: session_start(): open(/tmp/sess_p1dkt79qukdc3nq7oppjm7s8i2, O_RDWR) failed: No space left on device (28) in /razi/eraazi/darbari/chunmun/index.php on line 15
farz-e-supurdagi mein taqaze nahin hue

Subscribe to our newsletter and get our newest updates

Vipul Kumar

  • Ghazal


farz-e-supurdagi mein taqaze nahin hue


farz-e-supurdagī meñ taqāze nahīñ hue
tere kahāñ se hoñ ki ham apne nahīñ hue

kuchh qarz apnī zaat ke ho bhī ga.e vasūl
jaise tire supurd the vaise nahīñ hue

achchhā huā ki ham ko maraz lā-davā milā
achchhā nahīñ huā ki ham achchhe nahīñ hue

us ke badan kā moḌ baḌā ḳhush-gavār hai
ham bhī safar meñ umr se Thahre nahīñ hue

ik roz khel khel meñ ham us ke ho ga.e
aur phir tamām umr kisī ke nahīñ hue

ham aa ke terī bazm meñ be-shak hue zalīl
jitne gunāhgār the utne nahīñ hue

is baar jañg us se ra.ūnat kī thī so ham
apnī anā ke ho ga.e us ke nahīñ hue

farz-e-supurdagi mein taqaze nahin hue
tere kahan se hon ki hum apne nahin hue

kuchh qarz apni zat ke ho bhi gae wasul
jaise tere supurd the waise nahin hue

achchha hua ki hum ko maraz la-dawa mila
achchha nahin hua ki hum achchhe nahin hue

us ke badan ka moD baDa KHush-gawar hai
hum bhi safar mein umr se Thahre nahin hue

ek roz khel khel mein hum us ke ho gae
aur phir tamam umr kisi ke nahin hue

hum aa ke teri bazm mein be-shak hue zalil
jitne gunahgar the utne nahin hue

is bar jang us se raunat ki thi so hum
apni ana ke ho gae us ke nahin hue

Videos
This video is playing from YouTube Videos
This video is playing from YouTube Vipul Kumar

Leave a comment

+