yuuñ bhī jiine ke bahāne nikle
khoj ḳhud apnā lagāne nikle

piiTh par bojh shikam kā le kar
ham tirī yaad jagāne nikle

aañkh lag jaa.e to vahshat kam ho
chāñd kis vaqt na jaane nikle

vahī lamhe jo the lamhoñ se bhī kam
apnī vus.at meñ zamāne nikle

ik tabassum pe Talegī har baat
daaġh dilkash ko dikhāne nikle

qaht ābād-suḳhan meñ 'shāhīn'
kyuuñ ġhazal apnī ginvāne nikle

yun bhi jine ke bahane nikle
khoj KHud apna lagane nikle

piTh par bojh shikam ka le kar
hum teri yaad jagane nikle

aankh lag jae to wahshat kam ho
chand kis waqt na jaane nikle

wahi lamhe jo the lamhon se bhi kam
apni wusat mein zamane nikle

ek tabassum pe Talegi har baat
dagh dilkash ko dikhane nikle

qaht aabaad-suKHan mein 'shahin'
kyun ghazal apni ginwane nikle

Source: Book : Mujalla Dastavez (Pg. 189) Author : Aziz Nabeel Publication : Edarah Dastavez (2010) Edition : 2010