Subscribe to our newsletter and get our newest updates

Imran Aami

  • Ghazal


jitne pani mein koi Dub ke mar sakta hai


jitne paanī meñ koī Duub ke mar saktā hai
utnā paanī to mirī ok meñ bhar saktā hai

ye to maiñ roz kināre pe khaḌā sochtā huuñ
pyaas baḌh saktī hai dariyā bhī utar saktā hai

ik diyā aur to kuchh kar nahīñ saktā lekin
shab kī dīvār meñ darvāza to kar saktā hai

husn-e-tartīb se rakkhī huī yādoñ kī taraf
dekhne vaalā kisī roz bikhar saktā hai

is kā titlī sā badan duur se dekhā jaa.e
vo kisī haath meñ aate hue mar saktā hai

tum zarā soch ke us shaḳhs pe takiya karnā
vo farishta nahīñ va.ade se makr saktā hai

dil ko āñkhoñ se ulajhne nahīñ detā 'āmī'
varna dariyā se samundar bhī guzar saktā hai

jitne pani mein koi Dub ke mar sakta hai
utna pani to meri ok mein bhar sakta hai

ye to main roz kinare pe khaDa sochta hun
pyas baDh sakti hai dariya bhi utar sakta hai

ek diya aur to kuchh kar nahin sakta lekin
shab ki diwar mein darwaza to kar sakta hai

husn-e-tartib se rakkhi hui yaadon ki taraf
dekhne wala kisi roz bikhar sakta hai

is ka titli sa badan dur se dekha jae
wo kisi hath mein aate hue mar sakta hai

tum zara soch ke us shaKHs pe takiya karna
wo farishta nahin wade se makr sakta hai

dil ko aankhon se ulajhne nahin deta 'ami'
warna dariya se samundar bhi guzar sakta hai


Leave a comment

+