yaar ye ittifāq to dekho
us ko hī dekhtā hai jo dekho

kaash koī mujhe hilā ke kahe
dekho vo aa rahā hai vo dekho

tīrgī se bahut shikāyat thī
ab zarā der shams ko dekho

dekhnā chāhte ho apnā raqīb
aa.ina de rahā huuñ lo dekho

ḳhūbsūrat dikhā.ī detī hai
gar yahī raat sub.h ko dekho

shauq se dekho husn-e-yār magar
phir na kuchh dekhnā ho to dekho

yar ye ittifaq to dekho
us ko hi dekhta hai jo dekho

kash koi mujhe hila ke kahe
dekho wo aa raha hai wo dekho

tirgi se bahut shikayat thi
ab zara der shams ko dekho

dekhna chahte ho apna raqib
aaina de raha hun lo dekho

KHubsurat dikhai deti hai
gar yahi raat subh ko dekho

shauq se dekho husn-e-yar magar
phir na kuchh dekhna ho to dekho