aaj kī raat kaTegī kyuuñ kar saaz na jaam na to mehmān
sub.h talak kyā jāniye kyā ho aañkh lage yā jaa.e jaan

pichhlī raat kā sannāTā kahtā hai ab kyā ā.eñge
aql ye kahtī hai so jaao dil kahtā hai ek na maan

mulk-e-tarab ke rahne vaalo ye kaisī majbūrī hai
hoñToñ kī bastī meñ charāġhāñ dil ke nagar itne sunsān

un kī bāñhoñ ke halqe meñ ishq banā hai pīr-e-tarīq
ab aise meñ batāo yaaro kis jā kufr kidhar īmān

ham na kaheñge aap ke aage ro ro diide kho.e haiñ
aap ne biptā sun lī hamārī baḌā karam lākhoñ ehsān

aaj ki raat kaTegi kyun kar saz na jam na to mehman
subh talak kya jaaniye kya ho aankh lage ya jae jaan

pichhli raat ka sannaTa kahta hai ab kya aaenge
aql ye kahti hai so jao dil kahta hai ek na man

mulk-e-tarab ke rahne walo ye kaisi majburi hai
honTon ki basti mein charaghan dil ke nagar itne sunsan

un ki banhon ke halqe mein ishq bana hai pir-e-tariq
ab aise mein batao yaro kis ja kufr kidhar iman

hum na kahenge aap ke aage ro ro dide khoe hain
aap ne bipta sun li hamari baDa karam lakhon ehsan

RECITATIONS Nomaan Shauque



00:00/00:00 aaj ki raat kaTegi kyun kar saz na jam na to mehman Nomaan Shauque