Subscribe to our newsletter and get our newest updates

Gauhar Hoshiyarpuri

  • Ghazal


dariya mein ye naw kis taraf hai


dariyā meñ ye naav kis taraf hai
paanī kā bahāv kis taraf hai

ye raah kidhar ko muḌ rahī hai
logoñ kā lagāv kis taraf hai

manzil kahāñ tākte haiñ raahī
takte haiñ paḌāv kis taraf hai

tāsīr kahāñ ga.ī suḳhan se
jazboñ kā alaav kis taraf hai

āvāz kahīñ bulā rahī hai
yāroñ kā rijhāv kis taraf hai

tasvīr dikhā rahī hai kyā kuchh
rañgoñ kā rachāo kis taraf hai

kho.e hue tum kahāñ ho 'gauhar'
dil kā ye khichāo kis taraf hai

dariya mein ye naw kis taraf hai
pani ka bahaw kis taraf hai

ye rah kidhar ko muD rahi hai
logon ka lagaw kis taraf hai

manzil kahan takte hain rahi
takte hain paDaw kis taraf hai

tasir kahan gai suKHan se
jazbon ka alaw kis taraf hai

aawaz kahin bula rahi hai
yaron ka rijhaw kis taraf hai

taswir dikha rahi hai kya kuchh
rangon ka rachao kis taraf hai

khoe hue tum kahan ho 'gauhar'
dil ka ye khichao kis taraf hai


Leave a comment

+