Warning: session_start(): open(/tmp/sess_l7819q407gslrf7vkch6mh8co1, O_RDWR) failed: No space left on device (28) in /razi/eraazi/darbari/chunmun/index.php on line 15
phir mujhe hausla-e-arz-o-bayan mil jae

Subscribe to our newsletter and get our newest updates

Maher Chand Kausar

  • Ghazal


phir mujhe hausla-e-arz-o-bayan mil jae


phir mujhe hausla-e-arz-o-bayāñ mil jaa.e
kuchh dinoñ ke liye mujh ko bhī zabāñ mil jaa.e

sāmnā hogā to kuchh kah na sakeñge us se
jaane us bhiiḌ meñ vo shoḳh kahāñ mil jaa.e

ajnabī gaañv meñ phirtā huuñ ye ummīd liye
chhāñv darkār hai thoḌī sī jahāñ mil jaa.e

kyā tamāsha hai ki maiñ qasd-e-nasheman le kar
ghar se niklūñ to mujhe barq-e-tapāñ mil jaa.e

vahīñ aa jaatā hai nākāmī-e-qismat kā ḳhayāl
suud kī dil meñ tamannā ho ziyāñ mil jaa.e

kaash qāsid ko mirā haal sunāne ke liye
chand lamhoñ ke liye merī zabāñ mil jaa.e

mere ash.ār huuñ maqbūl-e-zamāna 'kausar'
mujh ko aisā kahīñ andāz-e-bayāñ mil jaa.e

phir mujhe hausla-e-arz-o-bayan mil jae
kuchh dinon ke liye mujh ko bhi zaban mil jae

samna hoga to kuchh kah na sakenge us se
jaane us bhiD mein wo shoKH kahan mil jae

ajnabi ganw mein phirta hun ye ummid liye
chhanw darkar hai thoDi si jahan mil jae

kya tamasha hai ki main qasd-e-nasheman le kar
ghar se niklun to mujhe barq-e-tapan mil jae

wahin aa jata hai nakaami-e-qismat ka KHayal
sud ki dil mein tamanna ho ziyan mil jae

kash qasid ko mera haal sunane ke liye
chand lamhon ke liye meri zaban mil jae

mere ashaar hun maqbul-e-zamana 'kausar'
mujh ko aisa kahin andaz-e-bayan mil jae


Source: Book : Funoon (Monthly) (Pg. 564) Author : Ahmad Nadeem Qasmi Publication : 4 Maklood Road, Lahore (25Edition Nov. Dec. 1986) Edition : 25Edition Nov. Dec. 1986

Leave a comment

+