haal pūchhā na kare haath milāyā na kare
maiñ isī dhuup meñ ḳhush huuñ koī saayā na kare

maiñ bhī āḳhir huuñ isī dasht kā rahne vaalā
kaise majnūñ se kahūñ ḳhaak uḌāyā na kare

aa.ina mere shab o roz se vāqif hī nahīñ
kaun huuñ kyā huuñ mujhe yaad dilāyā na kare

ain-mumkin hai chalī jaa.e samā.at merī
dil se kahiye ki bahut shor machāyā na kare

mujh se rastoñ kā bichhaḌnā nahīñ dekhā jaatā
mujh se milne vo kisī moḌ pe aayā na kare

haal puchha na kare hath milaya na kare
main isi dhup mein KHush hun koi saya na kare

main bhi aaKHir hun isi dasht ka rahne wala
kaise majnun se kahun KHak uDaya na kare

aaina mere shab o roz se waqif hi nahin
kaun hun kya hun mujhe yaad dilaya na kare

ain-mumkin hai chali jae samaat meri
dil se kahiye ki bahut shor machaya na kare

mujh se raston ka bichhaDna nahin dekha jata
mujh se milne wo kisi moD pe aaya na kare