Subscribe to our newsletter and get our newest updates

Naji Shakir

  • Ghazal


tere bhai ko chaha ab teri karta hun pa-bosi


tere bhaa.ī ko chāhā ab terī kartā huuñ pā-bosī
mujhe sartāj kar rakh jaan meñ āshiq huuñ maurūsī

rafū kar de haiñ aisā pyaar jo āshiq haiñ yaksū siiñ
phaḌā kar aur siiñ shaal apnī kahtā hai mujhe tū sī

huā maḳhfī mazā ab shāhidī siiñ shahad kī zāhir
magar zambūr ne shīrīnī un hoñToñ kī jā chūsī

kise ye taab jo us kī tajallī meñ rahe Thahrā
rumūz-e-taur laatī hai sajan terī kamar mū sī

samātā na.iiñ izaar apne meñ abtar dekh rañg us kā
kare kim-ḳhvāb so jaane kī yuuñ paate haiñ jāsūsī

ba-rañg-e-sham.a kyuuñ yāqūb kī āñkheñ nahīñ raushan
zamāne meñ sunā yūsuf kā pairāhan thā fānūsī

na chhoḌūñ us lab-e-irfāñ ko 'nājī' aur luTā duuñ sab
mile gar mujh ko mulk-e-ḳhusravī aur tāj-e-kā.ūsī

tere bhai ko chaha ab teri karta hun pa-bosi
mujhe sartaj kar rakh jaan mein aashiq hun maurusi

rafu kar de hain aisa pyar jo aashiq hain yaksu sin
phaDa kar aur sin shaal apni kahta hai mujhe tu si

hua maKHfi maza ab shahidi sin shahad ki zahir
magar zambur ne shirini un honTon ki ja chusi

kise ye tab jo us ki tajalli mein rahe Thahra
rumuz-e-taur lati hai sajan teri kamar mu si

samata nain izar apne mein abtar dekh rang us ka
kare kim-KHwab so jaane ki yun pate hain jasusi

ba-rang-e-shama kyun yaqub ki aankhen nahin raushan
zamane mein suna yusuf ka pairahan tha fanusi

na chhoDun us lab-e-irfan ko 'naji' aur luTa dun sab
mile gar mujh ko mulk-e-KHusrawi aur taj-e-kausi

RECITATIONS Fasih Akmal



00:00/00:00 tere bhai ko chaha ab teri karta hun pa-bosi Fasih Akmal

Source: Book : Rang hava main phel raha hai (Pg. 85)

Leave a comment

+