zarā mohtāt honā chāhiye thā
baġhair ashkoñ ke ronā chāhiye thā

ab un ko yaad kar ke ro rahe haiñ
bichhaḌte vaqt ronā chāhiye thā

mirī va.ada-ḳhilāfī par vo chup hai
use nārāz honā chāhiye thā

chalā aatā yaqīnan ḳhvāb meñ vo
hameñ kal raat sonā chāhiye thā

suī dhāga mohabbat ne diyā thā
to kuchh siina pironā chāhiye thā

hamārā haal tum bhī pūchhte ho
tumheñ ma.alūm honā chāhiye thā

vafā majbūr tum ko kar rahī thī
to phir majbūr honā chāhiye thā

zara mohtat hona chahiye tha
baghair ashkon ke rona chahiye tha

ab un ko yaad kar ke ro rahe hain
bichhaDte waqt rona chahiye tha

meri wada-KHilafi par wo chup hai
use naraaz hona chahiye tha

chala aata yaqinan KHwab mein wo
hamein kal raat sona chahiye tha

sui dhaga mohabbat ne diya tha
to kuchh sina pirona chahiye tha

hamara haal tum bhi puchhte ho
tumhein malum hona chahiye tha

wafa majbur tum ko kar rahi thi
to phir majbur hona chahiye tha

Source: Book : Jadeed Shora-e-Urdu (Pg. 784) Author : Dr. Abdul Wahid Publication : Feroz sons Printers Publishers and Stationers