Subscribe to our newsletter and get our newest updates

Haidar Qureshi

  • Ghazal


wasl ki shab thi aur ujale kar rakkhe the


vasl kī shab thī aur ujāle kar rakkhe the
jism o jaañ sab us ke havāle kar rakkhe the

jaise ye pahlā aur āḳhirī mel huā ho
haal to donoñ ne behāle kar rakkhe the

khoj rahe the ruuh ko jismoñ ke raste se
taur-tarīqe pāgaloñ vaale kar rakkhe the

ham se nā-dānoñ ne ishq kī barkat hī se
kaise kaise kaam nirāle kar rakkhe the

vo bhī thā kuchh halke halke se make-up meñ
baal apne ham ne bhī kaale kar rakkhe the

apne aap hī aayā thā phir marham ban kar
jis ne hamāre dil meñ chhāle kar rakkhe the

'haidar' apnī tāsīreñ le aa.e āḳhir
hijr meñ ham ne jitne naale kar rakkhe the

wasl ki shab thi aur ujale kar rakkhe the
jism o jaan sab us ke hawale kar rakkhe the

jaise ye pahla aur aaKHiri mel hua ho
haal to donon ne behaale kar rakkhe the

khoj rahe the ruh ko jismon ke raste se
taur-tariqe pagalon wale kar rakkhe the

hum se na-danon ne ishq ki barkat hi se
kaise kaise kaam nirale kar rakkhe the

wo bhi tha kuchh halke halke se make-up mein
baal apne hum ne bhi kale kar rakkhe the

apne aap hi aaya tha phir marham ban kar
jis ne hamare dil mein chhaale kar rakkhe the

'haidar' apni tasiren le aae aaKHir
hijr mein hum ne jitne nale kar rakkhe the


Pachas Sala Intekhab"

Leave a comment

+