ban se fasīl-e-shahr tak koī savār bhī nahīñ
kis ko biThā.eñ taḳht par gard-o-ġhubār bhī nahīñ

barg-o-gul-o-tuyūr sab shāḳhoñ kī samt uḌ ga.e
qasr-e-jahāñ-panāh meñ naqsh-o-nigār bhī nahīñ

sāyoñ kī zad meñ aa ga.iiñ saarī ġhulām-gardisheñ
ab to kanīz ke liye rāh-e-farār bhī nahīñ

maile libās kī duā pahuñche shabīh-e-shāḳh tak
shāhoñ ke paa.eñ baaġh meñ aisā mazār bhī nahīñ

kal hama-tan jamāl the aa.ine hasb-e-hāl the
sunte haiñ ab vo ḳhāl-o-ḳhad aks ke paar bhī nahīñ

ban se fasil-e-shahr tak koi sawar bhi nahin
kis ko biThaen taKHt par gard-o-ghubar bhi nahin

barg-o-gul-o-tuyur sab shaKHon ki samt uD gae
qasr-e-jahan-panah mein naqsh-o-nigar bhi nahin

sayon ki zad mein aa gain sari ghulam-gardishen
ab to kaniz ke liye rah-e-farar bhi nahin

maile libas ki dua pahunche shabih-e-shaKH tak
shahon ke paen bagh mein aisa mazar bhi nahin

kal hama-tan jamal the aaine hasb-e-haal the
sunte hain ab wo KHal-o-KHad aks ke par bhi nahin

RECITATIONS Nomaan Shauque



00:00/00:00 ban se fasil-e-shahr tak koi sawar bhi nahin Nomaan Shauque