Subscribe to our newsletter and get our newest updates

Obaid Siddiqi

  • Ghazal


ab ye sifat jahan mein nayab ho gai hai


ab ye sifat jahāñ meñ nāyāb ho ga.ī hai
malmal badan pe us ke kam-ḳhvāb ho ga.ī hai

koī pata de us ko merī kitāb-e-jāñ kā
duniyā ke saath vo bhī ik baab ho ga.ī hai

phūloñ-bharī zamīñ ho ḳhushbū-bharī hoñ sāñseñ
ye aarzū bhī merī kyā ḳhvāb ho ga.ī hai

maiñ bas ye kah rahā huuñ rasm-e-vafā jahāñ meñ
bilkul nahīñ miTī hai kamyāb ho ga.ī hai

takmīl pā rahā hai ye kis ke ghar kā naqsha
dīvāreñ uTh chukī haiñ mehrāb ho ga.ī hai

chashme ubal rahe haiñ dasht o jabal se kaise
kyā ye zamīn itnī sairāb ho ga.ī hai

ab ye sifat jahan mein nayab ho gai hai
malmal badan pe us ke kam-KHwab ho gai hai

koi pata de us ko meri kitab-e-jaan ka
duniya ke sath wo bhi ek bab ho gai hai

phulon-bhari zamin ho KHushbu-bhari hon sansen
ye aarzu bhi meri kya KHwab ho gai hai

main bas ye kah raha hun rasm-e-wafa jahan mein
bilkul nahin miTi hai kamyab ho gai hai

takmil pa raha hai ye kis ke ghar ka naqsha
diwaren uTh chuki hain mehrab ho gai hai

chashme ubal rahe hain dasht o jabal se kaise
kya ye zamin itni sairab ho gai hai


Leave a comment

+