jo pinhāñ thā vahī har sū ayaañ hai
ye kahiye lan tarānī ab kahāñ hai

jo pahuñche haath zanjīroñ ko toḌeñ
garche paañv apnā darmiyāñ hai

chamak lāl-e-ba-daḳhshāñ kī miTā de
tire hoñToñ pe aisā rañg paañ hai

tujhe kahtā huuñ sun o vahshat-e-dil
vahāñ le chal jahāñ vo dil-sitāñ hai

vo hoñ nāzuk-mizāj ai ham-safīro
rag-e-gul mujh ko ḳhār-e-āshiyāñ hai

muā jaatā huuñ maiñ tarz-e-nigah se
tire lab kī masīhā.ī kahāñ hai

bulā kar us se do bāteñ to sun le
ye kahte haiñ ki 'goyā' ḳhush-bayāñ hai

jo pinhan tha wahi har su ayan hai
ye kahiye lan tarani ab kahan hai

jo pahunche hath zanjiron ko toDen
garche panw apna darmiyan hai

chamak lal-e-ba-daKHshan ki miTa de
tere honTon pe aisa rang pan hai

tujhe kahta hun sun o wahshat-e-dil
wahan le chal jahan wo dil-sitan hai

wo hon nazuk-mizaj ai ham-safiro
rag-e-gul mujh ko KHar-e-ashiyan hai

mua jata hun main tarz-e-nigah se
tere lab ki masihai kahan hai

bula kar us se do baaten to sun le
ye kahte hain ki 'goya' KHush-bayan hai