lamhe terī judā.ī ke
hisse haiñ tanhā.ī ke

ek hī jaise qisse haiñ
shohrat aur rusvā.ī ke

dhaḌkan dhaḌkan bajte haiñ
sātoñ sur shahnā.ī ke

tere zarf se kitne kam
paimāne gahrā.ī ke

terī yaad meñ shāmil hī
kuchh jhoñke purvā.ī ke

lamhe teri judai ke
hisse hain tanhai ke

ek hi jaise qisse hain
shohrat aur ruswai ke

dhaDkan dhaDkan bajte hain
saton sur shahnai ke

tere zarf se kitne kam
paimane gahrai ke

teri yaad mein shamil hi
kuchh jhonke purwai ke

Source: Book : Kulliyat-e-Hafeez Jaunpuri (Pg. Ghazal Number-127 Page Number-141) Author : Tufail Ahmad Ansari Publication : Qaumi Council Baraye Farogh-e-urdu Zaban (2010) Edition : 2010