Subscribe to our newsletter and get our newest updates

Jaimini Sarshar

  • Ghazal


aane mein tere dost bahut der ho gai


aane meñ tere dost bahut der ho ga.ī
bazm-e-hayāt ab zabar-o-zer ho ga.ī

parde kuchh aise rū-ba-rū āñkhoñ ke aa ga.e
duniyā mirī nigāh meñ andher ho ga.ī

duniyā ke jabr-o-jaur se kyūñkar amaañ mile
maiñ chup rahā to aur bhī vo sher ho ga.ī

kyā pūchhte haiñ ab dil-e-mahzūñ kā haal aap
us ko mare hue to bahut der ho ga.ī

har chand zindagī ne sambhāle liye bahut
phir bhī ajal ke haath se vo zer ho ga.ī

'sarshār' zikr-e-raunaq-e-bāġh-e-jahāñ na kar
uktā gayā dil is se nazar ser ho ga.ī

aane mein tere dost bahut der ho gai
bazm-e-hayat ab zabar-o-zer ho gai

parde kuchh aise ru-ba-ru aankhon ke aa gae
duniya meri nigah mein andher ho gai

duniya ke jabr-o-jaur se kyunkar aman mile
main chup raha to aur bhi wo sher ho gai

kya puchhte hain ab dil-e-mahzun ka haal aap
us ko mare hue to bahut der ho gai

har chand zindagi ne sambhaale liye bahut
phir bhi ajal ke hath se wo zer ho gai

'sarshaar' zikr-e-raunaq-e-bagh-e-jahan na kar
ukta gaya dil is se nazar ser ho gai


Source: Book : aatish zer pa (Pg. 57) Author : zafar sehbai Publication : zafar sehbai Bhopal (2009) Edition : 2009

Leave a comment

+