Subscribe to our newsletter and get our newest updates

Abdul Hafeez Sahil Qadri

  • Ghazal


mujhe tanhai ke gham se bacha lete to achchha tha


mujhe tanhā.ī ke ġham se bachā lete to achchhā thā
safar meñ ham-safar apnā banā lete to achchhā thā

shikast-e-fāsh kā ġham zindagī jiine se bad-tar hai
jhukāne kī bajā.e sar kaTā lete to achchhā thā

kabhī ashkoñ pe itnā zabt bhī achchhā nahīñ hotā
ye chashma phir zarar degā bahā lete to achchhā thā

bhalā kyā fā.eda ab qabr pe aañsū bahāne se
agar māñ-bāp kī pahle duā lete to achchhā thā

shikāyat se bhalā 'sāhil' huā hai fā.eda kis kā
ġham-e-dil gar hañsī meñ tum chhupā lete to achchhā thā

mujhe tanhai ke gham se bacha lete to achchha tha
safar mein ham-safar apna bana lete to achchha tha

shikast-e-fash ka gham zindagi jine se bad-tar hai
jhukane ki bajae sar kaTa lete to achchha tha

kabhi ashkon pe itna zabt bhi achchha nahin hota
ye chashma phir zarar dega baha lete to achchha tha

bhala kya faeda ab qabr pe aansu bahane se
agar man-bap ki pahle dua lete to achchha tha

shikayat se bhala 'sahil' hua hai faeda kis ka
gham-e-dil gar hansi mein tum chhupa lete to achchha tha


Source: Chaand Ke Paar

Leave a comment

+