Subscribe to our newsletter and get our newest updates

Dagh Dehlvi

  • Ghazal


ranj ki jab guftugu hone lagi


ranj kī jab guftugū hone lagī
aap se tum tum se tū hone lagī

chāhiye paiġhām-bar donoñ taraf
lutf kyā jab dū-ba-dū hone lagī

merī rusvā.ī kī naubat aa ga.ī
un kī shohrat kū-ba-kū hone lagī

hai tirī tasvīr kitnī be-hijāb
har kisī ke rū-ba-rū hone lagī

ġhair ke hote bhalā ai shām-e-vasl
kyuuñ hamāre rū-ba-rū hone lagī

nā-ummīdī baḌh ga.ī hai is qadar
aarzū kī aarzū hone lagī

ab ke mil kar dekhiye kyā rañg ho
phir hamārī justujū hone lagī

'dāġh' itrā.e hue phirte haiñ aaj
shāyad un kī aabrū hone lagī

ranj ki jab guftugu hone lagi
aap se tum tum se tu hone lagi

chahiye paigham-bar donon taraf
lutf kya jab du-ba-du hone lagi

meri ruswai ki naubat aa gai
un ki shohrat ku-ba-ku hone lagi

hai teri taswir kitni be-hijab
har kisi ke ru-ba-ru hone lagi

ghair ke hote bhala ai sham-e-wasl
kyun hamare ru-ba-ru hone lagi

na-ummidi baDh gai hai is qadar
aarzu ki aarzu hone lagi

ab ke mil kar dekhiye kya rang ho
phir hamari justuju hone lagi

'dagh' itrae hue phirte hain aaj
shayad un ki aabru hone lagi

Videos
This video is playing from YouTube Videos
This video is playing from YouTube Ghulam Ali RECITATIONS Fasih Akmal



00:00/00:00 ranj ki jab guftugu hone lagi Fasih Akmal

Source: Book : Wahid Premi Shakhsiyyat Aur Fan (Pg. 101) Author : Wahid Premi Publication : Educational Publishing House (2016) Edition : 2016

Leave a comment

+