Warning: session_start(): open(/tmp/sess_v8u2ma6mphibpo7298q2st21b7, O_RDWR) failed: No space left on device (28) in /razi/eraazi/darbari/chunmun/index.php on line 15
har-samt tazgi si jharnon ki naghmagi se kitni

Subscribe to our newsletter and get our newest updates

Jafar Raza

  • Ghazal


har-samt tazgi si jharnon ki naghmagi se kitni


har-samt tāzgī sī jharnoñ kī naġhmagī se kitnī
mushābahat hai saaqī tirī hañsī se

kyā jaane kitne fitne uThte haiñ kaj-ravī se
vo shaḳhs yuuñ ba-zāhir miltā hai sādgī se

aksar ġhazal huī hai kuchh aisī jāñ-kanī se
jaise ġhazāl dekhe sahrā meñ bebasī se

ik mard-e-bā-safā ne likhā lahū se apne
izzat kī maut behtar zillat kī zindagī se

sadiyoñ talak rahī hai tahzīb kī nigahbāñ
patthar tarāshte the kuchh log shā.irī se

ab aadmī bane haiñ ik dūsre ke saa.il
ab aadmī gurezāñ rahtā hai aadmī se

shoḳhī-o-bazla-sanjī doshīzgī vahī hai
ma.asūmiyat ga.ī bas ehsās-e-āgahī se

jab ho ġharaz to maliye varna khiñche se rahiye
ham tañg aa chuke haiñ is shān-e-dilbarī se

'ja.afar'-razā tum ab tak achchhe-bhale the lekin
miTTī ḳharāb kar lī kyuuñ tum ne shā.irī se

har-samt tazgi si jharnon ki naghmagi se kitni
mushabahat hai saqi teri hansi se

kya jaane kitne fitne uThte hain kaj-rawi se
wo shaKHs yun ba-zahir milta hai sadgi se

aksar ghazal hui hai kuchh aisi jaan-kani se
jaise ghazal dekhe sahra mein bebasi se

ek mard-e-ba-safa ne likha lahu se apne
izzat ki maut behtar zillat ki zindagi se

sadiyon talak rahi hai tahzib ki nigahban
patthar tarashte the kuchh log shairi se

ab aadmi bane hain ek dusre ke sail
ab aadmi gurezan rahta hai aadmi se

shoKHi-o-bazla-sanji doshizgi wahi hai
masumiyat gai bas ehsas-e-agahi se

jab ho gharaz to maliye warna khinche se rahiye
hum tang aa chuke hain is shan-e-dilbari se

'jafar'-raza tum ab tak achchhe-bhale the lekin
miTTi KHarab kar li kyun tum ne shairi se


Leave a comment

+