Subscribe to our newsletter and get our newest updates

Mahshar Badayuni

  • Ghazal


marhale saKHt imtihan ke hain


marhale saḳht imtihān ke haiñ
chal paḌe ham bhī siina taan ke haiñ

āsmāñ zer-e-par haiñ jo taa.ir
merī hī sat.h kī uḌaan ke haiñ

mushta.il rahne deñ inheñ ki bujhā.eñ
ye charāġh apne hī makān ke haiñ

kaun kahtā hai shab ko shab na kaho
kuchh qarīne bhī to zabān ke haiñ

aadmī ab kahāñ zamīñ pe rahe
sab farishte hī āsmān ke haiñ

jin ke shab-ḳhūñ se hai dukhī ye zamīñ
jaane vo log kis jahān ke haiñ

zad pe ham haiñ to zad pe tum bhī ho
tiir ham bhī kaḌī kamān ke haiñ

marhale saKHt imtihan ke hain
chal paDe hum bhi sina tan ke hain

aasman zer-e-par hain jo tair
meri hi sath ki uDan ke hain

mushtail rahne den inhen ki bujhaen
ye charagh apne hi makan ke hain

kaun kahta hai shab ko shab na kaho
kuchh qarine bhi to zaban ke hain

aadmi ab kahan zamin pe rahe
sab farishte hi aasman ke hain

jin ke shab-KHun se hai dukhi ye zamin
jaane wo log kis jahan ke hain

zad pe hum hain to zad pe tum bhi ho
tir hum bhi kaDi kaman ke hain


Leave a comment

+