Subscribe to our newsletter and get our newest updates

Farah Khan

  • Ghazal


ek ishq tha jo humse dobara nahin hua


ik ishq thā jo ham se dobāra nahīñ huā
kyā kyā vagarna dil ko ḳhasāra nahīñ huā

ik lafz jis ke ijz meñ iz.hār-e-dam-ba-ḳhud
ik naam merī aañkh kā taara nahīñ huā

vo ḳhvāb ban ke aañkh se phūTā to hai magar
ik ashk ban gayā hai sharāra nahīñ huā

ham kūza-gar ke haath meñ bhī juḌ nahīñ sake
is bhur-bhurī sī ḳhaak kā gaarā nahīñ huā

ḳhud-e'timād shaḳhs thā be-e'timād bhī
apnā na ban sakā to hamārā nahīñ huā

shorīdgī ke ārize tak aa gayā 'farah'
ik bojh jo ki dil se utārā nahīñ huā

ek ishq tha jo hum se dobara nahin hua
kya kya wagarna dil ko KHasara nahin hua

ek lafz jis ke ijz mein izhaar-e-dam-ba-KHud
ek nam meri aankh ka tara nahin hua

wo KHwab ban ke aankh se phuTa to hai magar
ek ashk ban gaya hai sharara nahin hua

hum kuza-gar ke hath mein bhi juD nahin sake
is bhur-bhuri si KHak ka gara nahin hua

KHud-e'timad shaKHs tha be-e'timad bhi
apna na ban saka to hamara nahin hua

shoridgi ke aarize tak aa gaya 'farah'
ek bojh jo ki dil se utara nahin hua


Source: Book : Jab Fasl-e-baharn aai thi (Pg. 221) Author : padm Shri Dr. Kaleem Ahmed Aajiz Publication : Sunrise Plastic Works, Patna (1990) Edition : 1990

Leave a comment

+